Вашингтон, 8 декември 2011 (МИА) - На 60 американски граѓани, незадоволни од алчноста на корпорациите и прекумерното влијание на парите, беа уапсени вчера, откако ја затворија улицата „Кеј стрит“, на која се наоѓаат голем број компании за лобирање во Вашингтон.
Масовните демонстрации вчера попладне го блокираа сообраќајот во Вашингтон.
Демонстранти од целата земја со собраа за протестниот марш во Вашингтон, кон кој се приклучија учесници во движењето „Окупирајте го Волстрит“ и претставници на други организации и синдикатите, кои се борат против нееднаквоста во платите.
Околу 30 учесници во протестите со лисици на раце беа одведени во полициски комбиња, откако легнаа на земја и ги ингорираа наредбите на полицијата да се тргнат од улицата. Нивните поддржувачи, кои стоеја на тротоарите извикуваа „Ете како изгледа демократијата!“ и „Ние сме 99 проценти!“.
Организаторите соопштија дека очекуваат оваа недела во Вашингтон да соберат неколку илјади лица за нови протестни акции.