Москва, 26 март 2012 (МИА) - Специјалниот пратеник на ОН и Арапската лига Кофи Анан, оцени денеска по завршувањето на посетата на Москва, дека ситуацијата во Сирија налага итно решение, но оти не треба да се поставуваат рокови за тоа, нагласувајќи дека решението на кризата треба да биде мирно.
- Ситуацијата во Сирија налага итно решение, но не треба да се поставува рок во кој тоа мора да се реши. На Блискиот Исток многу судири влијаат на животот на луѓето. При донесување одлука треба да се почитува меѓународното право. Очекувам меѓународната заедница да го поддржи мировниот процес, рече Анан.
Тој истакна дека е подготвен да разговара со сириските власти и со опозицијата за прекин на насилството во земјата, за да и во тоа има поддршка на рускиот претседател Дмитриј Медведев со кој вчера се сретна.
- Разговаравме за потребата да се реши сирискиот судир. Меѓународната заедница треба да поддржи мирно решение. Мојата работа во Сирија е со цел прекин на насилството и почнување реформи, рече Анан.
Тој од Москва замина за Пекинг, за да обезбеди поддршка на Кина за хуманитарната мисија на ОН во Сирија на чие е чело.