Техеран, 30 март 2012 (МИА) - Иран ќе се спротистави на секој американски план за надминување на кризата во Сирија, изјави синоќа духовниот лидер на Иран, ајатолахот Али Хаменеи на средбата со турскиот премиер Реџеп Таип Ердоган.
Хаменеи наведе дека Иран секогаш ќе ја заштитува Сирија при тоа изразувајќи целосна поддршка на сириските власти.
- Секое мешање во внатрешните работи на Сирија е недозволиво. Ние ги поддржуваме започнатите реформи во Сирија и истите треба да продолжат, изјави Хаменеј.
Ердоган истакна дека не може повеќе да му се верува на сирискиот претседател Башар ал Асад и оти тој треба да се повлече.
Иран и Турција имаат различни ставови за состојбата во Сирија. Техеран безусловно го поддржува Дамаск, сметајќи го за свој најблизок сојузник во регионот, а Анкара е една од најжестоките критичари на режимот на Асад.