Вашингтон, 20 април 2012 (МИА) - Американскиот секретар за одбрана Леон Панета предупреди дека евентуално воено вмешување во Сирија е опасно, додавајќи оти САД ќе продолжат со дипломатскиот и економскиот притисок врз Дамаск.
Тој наведе дека американското Министерство за одбрана разгледува различни сценарија за Сирија.
- Единствениот јасен пат за нас е да продолжиме заедно со меѓународната заедница со дипломатскиот притисок и да изнајдеме начин да ја вратиме Сирија на сирискиот народ. Ако останеме посветени на тоа, мислам дека на крај ќе успееме, истакна Панета.
Тој посочи дека решавањето на кризата во Сирија не може да се бара во едностраните акции на САД или на која било друга држава.