Картум, 14 септември 2012 (МИА) - Демонстранти во Судан, кои протестираа против американскиот филм „Невиноста на муслиманите“, кој се смета за навредлив за исламот, го симнаа амблемот на германската амбасада и издигнаа исламистичко знаме, изјавија очевидци.
Тие ги искршија прозорците на зградата и предизвикаа пожар пред нејзиниот главен влез.
Суданската полиција употреби пред тоа солзавец во обид да ги растера 5.000 демонстранти, кои упаднаа во амбасадите на Германија и Велика Британија во Картум.
Толпата фрлаше камења врз двете дипломатски мисии, кои се наоѓаат една до друга.