Тел Авив, 22 ноември 2012 (МИА) - Апликација ги информира корисниците на ајфон секој пат кога ракета од Појасот Газа ќе полета кон израелските градови, така што тие имаат меѓу 15 секунди и три минути за пронајдат засолниште.
Звукот за известување за повеќето корисници значи дека им пристигнала нова СМС, нов мејл или порака на Фејсбук или Твитер, но за Израелците ваквото известување на ајфонот може да биде од животно значење.
Благодарение на апликацијата Колор Ред, кој ја смислил 13 годишниот Лирон Бар, а волонтерски ја изработил Коби Снир, сопствениците на ајфони во Израел предупредувања за лансирање на ракети од Газа ги добиваат директно на екраните на своите телефони.
Апликацијата, која името го доби по израелскиот систем за предупредување од ракетни напади, корисниците ги предупредува за опасноста секој пај кога владината јавна безбедносна мрежа ќе објави воздушна тревога поради опасност од ракетирање.
Иако Израел има софистициран систем за заштита од проектили и систем за воздушна трегова за време на напад, луѓето кои се наоѓаат во просториите не ги слушаат секогаш сирените и не стигнуваат секога на време да се скријат, па затоа им била потребна помош, за чија цел е изработена оваа апликација.
По предупредувањето жителите на нападнатото подрачје имаат многу малку време за реакција и заминување во засолниште, меѓу 15 секунди и три минути, така што секоја секудна е важна.