Кардиналот Тарчизио Бертоне ќе ја извршува функцијата привремен папа по оставката на Бенедикт XVI.
Тој ќе биде задолжен да управува со црквата до изборот на нов папа, но со значително ограничени овластувања.
Според апостолскиот устав, воведен во 1996 година од страна на Јован Павле II, сите високи лица на Римокатоличката црква, односно „Римските Кури“, треба да поднесат оставка по смртта или повлекувањето на папата. На функцијата ќе остане само кардиналот Бертоне.
Тој е сега „камерлинг“, збор изведен од италијанското име „камера" и значи гувернер. Тоа е чисто административна функција, која добива значење само при смртта или повлекувањето на папата. Кардиналот „камерлинг“ ќе управува со Ватикан со помош на кардиналите и го одредува датумот на погребот - при смрт на папата - и на свикување на конклавата.