Вашингтон, 28 јануари 2014 (МИА) - Американскиот потпретседател Џо Бајден го повика украинскиот претседател Виктор Јанукович да влијае на Владата да не прогласува вонредна состојба и да соработува со опозицијата за постигнување мирно решение за кризата во земјата.
- Бајден нагласи дека САД го осудуваат насилството од која и да е страна и предупреди дека прогласувањето на вонредна состојба или воведување на други ригорозни мерки уште повеќе ќе ја распламти ситуацијата и ќе го затвори патот за мирно решение, се наведува во соопштението на Белата куќа.
Во коминикето се додава и дека не треба да се губи време, барајќи од претседателот Јанукович да ја повлече полицијата и да соработува со опозицијата, со цел итно да се намали тензијата меѓу демонстрантите и владините сили.