На Аруба уапсен поранешниот шеф на венецуелското воено разузнавање

Каракас, 25 јули 2014 (МИА) - Поранешниот шеф на венецуелското воено разузнавање Уго Карвахал е уапсен на карибскиот остров Аруба под обвинение дека е вмешан во илегална трговија со дрога во САД.

- Влада протестира поради незаконското приведување на венецуелски дипломатски претставник, се посочува во соопштението на Министерството за надворешни работи на Венецуела.

Според венецуелските медиуми тоа е обид за дискредитација на конзулот Карвахал на холандскиот автономен остров Аруба.

Венецуела ги обвини холандските власти за апсењето на Карвахал, кој беше шеф на военото разузнавање од 2004 до 2009 година.

Карвахал е уапсен во средата ноќта и е екстрадиран во САД, каде е обвинет за илегална трговија со дрога и помагање на бунтовничката група Револуционерни вооружени сили на Колумбија (ФАРК).