Дубаи, 5 април 2015 (МИА) - Сите резолуции на Советот за безбедност на Обединетите нации во врска со иранската нулеарна програма веднаш ќе бидат ставени вон сила доколку биде потпишан конечен договор, соопшти денеска иранскиот министер за надворешни работи Мохамад Џавад Зариф.
Откако изминатата недела го предводеше иранскиот тим на преговорите со шестте светски сили за рамковниот договор за нуклеарната програма на својата земја, Зариф сега мора да ја убеди и домашната јавност дека тие преговори водат кон конечен договор кој е во интерес на Иран, пренесува Танјуг.
Зариф изјави дека секоја преговарачка страна, во случај другата да го прекрши договорот, може да престане да го исполнува.