Кинескиот производител на компјутери, Lenovo Group го претстави својот нов модел Think Center A61e за кој претставниците на компанијата изјавија дека станува збор за најмалиот, најтивкиот и енергетски најефикасниот компјутер досега.
Think Center A61e е заснован на AMD Core Duo процесор Athilon 64 X2, но постои и верзија со процесор со едно јадро Sempron. Во изработката на компјутерот се користени компоненти кои може да се рециклираат и повторно употребат - дури 90% од компонентите се такви. Уште една еколошка карактеристика на овој компјутер е и можноста да се напојува и со соларни батерии, покрај обичните кои користат електрична енергија.
Моделот Think Center A61e се надоврзува на моделот Think Center A61 кој компанијата Lenovo неодамна го претстави на пазарот. Тој модел се наоѓа во малку поголемо куќиште но исто така се одликува со добра енергетска ефикасност.
Цената на Think Center A61e е околу 400 долари.
{ИР}