Оваа недела се очекува социјалната мрежа Facebook официјално да го прогласи својот 500 милионити корисник.
Со цел да се прослави овој значаен настан, гигантот ќе лансира нова категорија наречена „Facebook приказни", која ќе биде колекција на кратки приказни за луѓе на кои Facebook им го промени животот.
Моментално компанијата е во процес на собирање на овие „Facebook приказни". Приказните кои ќе добијат најмногу „Likes " ќе бидат вклучени во финалниот производ.
Исто така, Facebook неодамна изјави дека се достигнати 150 милиони мобилни корисници, што претставува пораст од околу 50% од месец април, кога бројот на овие корисници изнесуваше 100 милиони.
- Како што го очекувавме нашиот 500 милионити корисник, сакавме да најдеме поинаков начин да го прогласиме и да прославиме. Претходно, сè беше ориентирано на бројки и настани, сè додека не сфативме дека никогаш не сме ја искористиле можноста да го прославиме зачленувањето на 500 милионитиот корисник, вели Ренди Зукенберг, директор на Маркетинг секторот на Facebook.