Основачот и мнозинскиот сопственик на Фејсбук (Facebook), Марк Цукерберг во интервју за Си-Би-Есњуз (CBSnews) тврди дека правилно постапил кога во 2006 година не ја продал својата интернет-страница.
Во 2006 година Цукерберг имал 22 години и ја одбил понудата на Јаху (Yahoo) вредна една милијарда долари, а денес вредноста на Фејсбук се проценува на 35 милијарди долари.
Од 2006 година до денес Фејсбук мрежата од 10 милиони се прошири на речиси пола милијарда корисници.
Цукерберг во интервјуто го коментира и филмот „Социјална мрежа“.
- Одлучивме колективно од фирмата да одиме во кино и да го гледаме филмот. Ми беше интересно да видам кој делови од филмот се точни, а кои се измислена холивудска приказна, наведе Цукерберг.
Тој наведува дека неговиот карактер во филмот носи џемпери и чевли како и во вистинскиот живот.
- Сандалите се автентични, но самата приказна не е вистинита и лошо е интерпретирана. Изгледаше дека единствен мотив да го направам Фејсбук е да би дошол до девојки. И целосно е изоставен фактот дека имам девојка која е со мене уште пред самиот Фејсбук, вели Цукерберг.
Тој во интервјуто зборува и за промените кои Фејсбук ги воведе во неделата.
- Воведуваме нов дизајн за членовите „Профил страна“. Ќе ги интегрираме информациите кои во моментот се распрснати на ѕидот на едно место, фото албумите и другите делови на сајтот. Новиот дизајн постепено ќе се префрла и до сите корисници би требало да стигне на почетокот од годината, наведе Цукерберг.
Тој посочи дека новиот дизајн може и веднаш да го преземат корисниците од http://www.facebook.com/about/profile/.