Apple нас не навикна на изненадувања кај ергономијата и функционалноста на своите гаџети и додека iPhone 4 бележи неверојатни резултати, во полна подготовка е верзијата iPhone 5. Извори од Кина, каде во добра мера се произведуваат деловите за iPhone, тврдат дека новиот верзија на „smart“ телефонот од Apple можеме да ја очекуваме во вториот квартал на 2011-та година.
Гласините говорат дека Apple во iPhone 5 ќе вгради нов процесор. Имено, конкуренцијата работи на dual core процесори или подобар CPU, што веројатно ќе доведе до интеграција на нов процесор и во iPhone 5. До засега достапните информации iPhone 5 ќе користи ARM A8 процесор, многу веројатно dual-core, иако карактеристиките за процесорот сè уште не се познати.
И додека конкурентите базирани на оперативниот систем Android извадија неколку модели на smart телефони и таблет компјутери и имаат доволно време за надградба, Apple оваа година излегува само со iPhone 5 и iPad 2.
Планот на екипата на Apple е тие два производи да ги импресионираат потенцијалните купувачи и повторно да ја надиграат конкуренцијата. Дизајнот и останатите детали остануваат строго чувана тајна. Нам ни останува да чекаме до јуни или јули, кога новиот предводник на Apple треба да биде претставен на јавноста.
