Идејата за користење на паметни картички наместо кодиран автомобилски клуч може да изгледа пософистицирана и попрактична, но далеку е од сигурна, сметаат европските научници.
Научниците од швајцарскиот технолошки институт успеаја да ја пробијат заштитата на десет различни автомобилски системи со паметни клучеви користејќи го јавно достапна компјутерска опрема чија вредност не изнесува повеќе од 1.000 американски долари.
Користејќи пар безжични антени Швајцарците успеале да украдат сигнал кој го емитира паметната картичка и со помош на друга антена успешно го надмудриле безбедносниот систем на автомобилот и го запалиле моторот. Научниците дури успеале да го возат автомобилот и покрај фактот што оригиналниот клуч ни во еден момент не бил присутен во возилото.
Ако се има во предвид дека сигурносниот систем не го забележал лажниот сигнал, научниците успешно го надмудриле аларм уредот за звучно и светлосно известување.
За остварување на својата цел Швајцарците ги искористиле двете дупки во постоечкиот софтвер – првата која не следи колку клучот е оддалечен од возилото во секој момент, а втората, која по палењето на моторот не ја проверува присутноста на клучот во возилото поради можноста да батеријата на паметниот клуч се испразни, што би предизвикало гасење на моторот.
Швајцарските резултати од студијата ќе бидат претставени кон крајот на месецот на форумот за компјутерска безбедност на форумот во Сан Диего.
