И HTC се вклучува во борбата за удел на брзо растечкиот пазар за таблет компјутери: Flyer наводно пристигнува во март.
Веќе некое време се шушка дека на пазарот ќе се појави HTC таблет, убиецот на iPad.
Иако од тајванската компанија нема официјална најава за новиот уред, претставниците на HTC нагласуваат дека новиот модел со нивни потпис ќе работи на Android 3.2, верзија за која Google вели дека е оптимизирана за таблет компјутери, а се очекува HTC таблетот да има и 3G конекција.
До пред пет години за HTC никој не знаеше, а потоа светлоста на денот ја здогледа првиот мобилен телефон со оперативниот систем Android. Од тогаш smart телефоните го преплавија американскиот пазар, а HTC неодамна ги претстави и првите 4G модели на телефони.
Иако оваа компанија долго одбиваше да се вклучи во производство на таблет компјутери, сега е извесно дека првиот HTC таблет ќе се појави на пазарот, па поради тоа конкуренцијата има сериозна причина за загриженост, пишува TG Daily.