Ретко и изненадувачко археолошко откритие во Тел Дора: скапоцен камен со гравиран портрет на Александар Македонски откриен е при ископувањата кои ги врши археолошкиот том на доктор Ајелата Гилбоа од Универзитетот во Хаифа и докторот Илан Шарон од Хебрејскиот универзитет во Ерусалим.
- И покрај малите димензии – еден сантиметар на пола сантиметар, граверот успеал да ја отслика бистата на Александар Македонски, без притоа да испушти ниту една од неговите карактеристики, истакнува Гилбоа.
Императорот е портретиран како млад, силен со јака брада, прав нос и долга виткана коса, која ја држи со дијадема.
Истражувачите од Тел Дора истакнуваат дека е изненадувачки да се најде вакво уметничко дело во Израел, на периферијата на хеленистичкиот свет.
Александар, веројатно е првиот Македонец кој ги ангажирал уметниците да изработат негов портрет, како дел од култот на персоналитет, кој е трансформиран во пропагандно оружје.
Уметниците паметно ги комбинирале реалистичните елементи од ликот на владарот со класичните идеали за убавина, одредени со хеленистичката уметност, владарските атрибути (дијадемата во овој случај), како и божествените елементи кои потекнуваат од хеленистичката и ориенталната уметност. Подоцна и останатите владари го имаат прифатено примерот на Александар Македонски.