Компанијата Sony лансираше нов сервис за симнување аудио и видео содржини од интернет и подготвена е да го предизвика iTunes. Од Sony најавуваат дека сервисот ќе биде достапен на PlayStation 3, Bravia TV, Blu-Ray читачи и компјутерите на Sony, јавува BBC.
- Со Qriocity, Sony ќе може да достигне широк спектар на дигитална забава, вклучувајќи симнување на видео, музика, игри, апликации и електронски книги, изјави претседателот на Sony за европскиот пазар, Фучито Нишида.
Ова не е прв пат Sony да се бори на пазарот за дигитална музика. Во 2004-та година во САД е пуштен сервисот за симнување на музика од интернет, Connect. Поради непопуларноста на програмот Sony го повлече во 2007-ма година.
Се шушка дека Amazon планира пробив на пазарот за музика и филм со свој сервис за симнување на музика.