Од 2012 година сите корисници на мобилни телефони ќе може да ги полнат своите мобилни апарати со помош на посебни безжични полначи, соопшти јапонската компанија Fujitsu.
Компанијата развива систем кој е во состојба без користење на кабел да полни разни преносливи електронски направи како мобилни телефони, дигитални камери и лаптоп компјутери.
Дури и возачите на електрични автомобили ќе можат да ја користат оваа технологија за полнење на своите возила. Fujitsu го прикажа прототипот на својот безжичен систем на конференцијата за информации и комуникации на Универзитетот во Осака.
Технологијата која што е прва од овој вид во светот, работи врз база на трансмисија на електрична енергија со помош на магнетски полиња помеѓу полначот и електронскиот уред. Системот овозможува безжично полнење на растојание од неколку метра.