Google планира пред претстојните празници на пазарот да го пласира и вториот „паметен“ телефон под својот оперативен систем „Android“ - „Nexus S“.
Продажбата на тој телефон ќе почне на 16 декември во САД, а на 20 декември во Европа, почнувајќи од Велика Британија.
Телефонот, како што е најавено, по САД ќе се продава по цена од 199 долари, до двегодишен договор кај мобилниот оператор „T-Mobile“. Без субвенции кај тој оператор, продажната цена ќе биде трипати поголема, 529 долари. Произведувач на телефонот е „Samsung“.
Телефонот ќе функционира под верзијата на системот на Android, „Gingerbread“, кој стана еден од пазарните лидери, покрај системот на „Apple“, „iOS“ за неговиот мобилен телефон „iPhone“.
Станува збор за верзија, која ја содржи фунцијата за безконтактна комуникација Near Field Communication.