Научниците создале нов вид на имунотерапија за канцер која вклучува инјектирање на туморите со серија стимуланси и која всушност го „привлекува вниманието“ на имунолошкиот систем да ги уништи канцерогените маси.
Овој радикален нов пристап веќе покажал добри резултати кај пациенти со напредна форма на не-Хочкинов лимфом кој не реагира на конвенционалните третмани и моментално се тестира и на други видови „тврдоглави“ канцери.
Резултатите можат да се опишат како претворање на туморите во „фабрики за вакцини против канцер“, бидејќи привлекувањето на имунолошките клетки на телото до местата зафатени од канцерот е метода позната како „ин ситу“ вакцинација.
Имунолошките клетки кои ги убиваат клетките на канцерот се т.н Т-клетки, но процесот тие да се натераат да ги препознаат не е лесен поради неколку причини.
Туморите користат маски наречени блокади на контролните пунктови – тоа се специјалните потписи во мембраната на клетките кои на имунолошкиот систем му кажуваат дека се работи за обична клетка која не треба да се уништи
Имунотерапијата ги инхибира овие потписи за да им овозможи на Т-клетките да си ја вршат работата, меѓутоа не сите канцери се исти, а пример за тоа е неизлечивиот вид на канцер на крвта наречен индолентен не-Хочкинов лимфом (iNHL).
За жал, Т-клетките имаат големи потешкотии да го препознаат овој вид на канцер, што ги поттикнало истражувачите да откријат како имунолошките клетки можат да се „истренираат“ да го препознаат.
За да тоа го постигнат, биле употребени стимуланси кои ги повикуваат клетките на имунолошкиот систем кон туморите и кои поставуваат хемиски сигнали наречени антигени на нивната површина – со што ги обележуваат за уништување.
Терапијата била клинички тестирана врз 11 пациенти во напреден стадиум на iNHL, каде предизвикала анти-туморни одговори од Т-клеткитеи разни степени на ремисија и на места оддалечени од местото на „вакцинација“. Нејзиниот потенцијал сега клинички се проценува кај пациенти со лимфом, како и рак на дојките, главата и вратот, на црниот дроб и јајници.