За прв пат во светот, хирурзите користеле робот со автономна навигација во експериментална операција, т.е за тренирање на роботски катетер самиот да го пронајде патот до пропустлив вентил во срце на свиња.
Новиот робот го означува почетокот на транзицијата од роботски хируршки алатки до вистински операции асистирани од роботи, каде автономни уреди можат да превземат дел од работата од преоптоварените доктори.
Катетерот си го пронашол патот до вентилот преку „гушкање“ на ѕидовите на срцето, користејќи вештачка интелигенција и камера за да ја процени својата локација.
Алгоритмите на AI системот му помагале да процени каков вид на ткиво допира, дали се наоѓа во срцето и како да го одбере следното движење за да стигне каде што треба.
На роботот му требало повеќе време да пристигне до вентилот отколку на доктор кој вметнува стандарден катетер, меѓутоа хирурзите кои стојат зад овој проект ова достигнување го гледаат како зачеток на автоматизирани операции каде роботите би можеле да извршуваат полесни секојдневни задачи.