Вакцините немаат корист доколку во процесот на транспорт се изложени на топлина, која може целосно да ги „расипе“ т.е деактивира.
Поради што предизвикот тие да се транспортираат во далечните делови на светот (каде што се најпотребни) е огромен. Така, во некои земји тие дури се транспортираат со камили кои носат мини соларно напојувани фрижидери.
Транспортот на сегашните вакцини побарува константна температура помеѓу 2 и 8 °C, од процесот на продукција па сè до нивното давање, а сега научници од МекМастер универзитетот во Канада создале нова метода за транспортирање на вакцини која нема да побарува ладење, наместо модифицирање на нивните вектори, која функционира со помош на шеќер.
Вирусите се мешаат и потоа се сушат во „шеќерест“ филм креиран од комбинација од два конзерванси за храна (одобрени од FDA), наречени пулулан и трехалоза.
Кога се потопени во ова соединение, вакцините можат да бидат транспортирани без потреба од постојано ладење, а за да се реактивираат потребно е само да им се додаде вода.
Причината за тоа е што трехалозата овозможува заштита додека пулуланот овозможува стабилност со имобилизирање, а вирусите во стаклестиот шеќерен матрикс.
Сега засега нивната ефективност е тестирана само врз глувци, а со оваа техника тие успеале да издржат на температури до 40 °C, најмалку два месеци.
Пред ова ново решение да се тестира, потребно ќе биде да се испита дали вака транспортираните вакцини ќе бидат ефективни и врз луѓето.