Кинеските истражувачи откриле начин за трипати да ја зголемат ефикасноста на алатката дизајнирана за уредување на гени во човечки ембриони.
Нивната метода наскоро би можела да биде подготвена за клиничка употреба, а генетски модифицирани бебиња би се појавиле една до две години по тоа.
Јанг Хуи, водач на тимот истражувачи кои стојат зад овој проект, е загрижена дека технолошкиот напредок на нејзиниот тим би можел да има ужасни последици, бидејќи би можел да се спореди со технологијата за креирање на оружја и лекови. Според неа, неморалната употреба како креирање на „супер-бебиња“ би требало засекогаш да биде забранета.
Технологијата која е центарот на ова истражување е наречена базно уредување и вклучува менување на ДНК нуклеотид, или „буква“.
Се работи за варијанта на CRISPR, но бидејќи не вклучува сечење на нишки ДНК, базното уредување генерално се смета за побезбедна од двете технологии.
За потребите на студијата, тимот на Јанг коригирал мутација на човечки ембриони во двоклеточната фаза на развој. Осумдесет проценти од мутациите биле коригирани, во споредба со само 30% кога истиот бил инјектиран во едноклеточната фаза.
Тимот сега се стреми кон 100% ефикасност, а Кина мора бргу да реагира и да ја регулира оваа технологија, за да се избегне ризикот од креирање на „подобрени“ човечки суштества.