Реакциите како течење на носот, чешање на очите и слично кои се резултат од алергија на мачки, може наскоро да бидат минато.
Алергиите на мачки се предизвикани од протеинот Fel-d1, кој го има претежно во животинското крзно. Тој се прикачува на малечките честички сува кожа која паѓа од мачките и кои кога ќе навлезе во дишните патишта не некој кој што е алергичен, предизвикуваат реакција - имунолошкиот систем мисли дека е нападнат и испушта хистамин.
Оние кои се алергични на мачки се приморани да земаат анти-хистамински таблети или инхалери (доколку се астматични) за да ги намалат симптомите. Се смета дека една третина од луѓето од генералната популација се алергични на мачки.
Сега, научници од универзитетската болница во Цирих, Швајцарија, тврдат дека измислиле вакцина за мачки која ја редуцира количината на Fel-d1 протеинот кои мачките го продуцираат.
Сите 54 мачки кои биле инјектирани со HypoCat вакцината креирале антитела кои го уништувале протеинот, а тимот истражувачи се надева дека инјекцијата би била достапна за јавноста за околу 3 години.
Тие исто така тврдат дека вакцината е безбедна и дека немала никакви токсични или несакани ефекти врз тестираните мачки.