Магнетски контролиран робот способен за маневрирање низ некои од најтесните артерии во човечкото тело еден ден би можел да помогне во превенција од смрт поврзана со мозочни удари и анеуризми.
Според инженерите од MIT, овој робот во форма на конец има магнетен ентериер и со помош на хидрогел кој го намалува триењето може да се движи низ комплексни и тесни опкружувања како васкуларните структури во телото и мозокот. Во комбинација со сегашните ендоваскуларни технологии, тој на докторите би можел да им овозможи бргу да ги третираат тешко пристапните блокади и лезии во мозокот кои се појавуваат кај анеуризмите и мозочните удари.
Моменталните третмани се минимално инвазивни, но се тешки за изведување. За да се исчисти згрутчената крв во мозокот, хирурзите користат тенка жица протната низ главната артерија во телото додека флуороскоп кој емитира радијација снима слики и икс-зраци со цел правилно наведување на жицата до мозокот.
Потоа, катетерот или испушта лекови за намалување на згрутчувањата или самиот уред ги отстранува. Овој процес е долг и потребни се специјално тренирани доктори кои треба да поминуваат низ постојано изложување на радијација.