Во не толку далечната иднина, медицински уреди со вештачки неврони би можеле да се користат во борбата против Алцхајмеровата болест и останатите дегенеративни невролошки состојби.
Научници од универзитетот на Бет и Бристол во Обединетото Кралство развиле силиконски чип, прв од овој вид, кој се однесува како мозочна клетка и е способен да регистрира и да реагира на електрични сигнали од нервниот систем со сета комплексност на невроните на цицачите. Покрај тоа, тој е екстремно ефикасен и побарува многу малку електрицитет за да функционира. Едноставно кажано, јазикот на мозокот се состои од електрични сигнали кои се „вклучени“ или „исклучени“ од невроните, што е слично на бинарната природа на електрониката.
Новиот бионички неврон ги забележува електричните карактеристики на органските мозочни клетки, и ги снима на малечка синтетичка плоча. Однесувањето на органските неврони било рекреирано со прецизност од 94-97%. На ваквите вештачки неврони им се потребни само околу 140 нановати енергија за да функционираат, што е милијардити дел од моќноста потребна за функционирање на микропроцесор, што ги прави идеални за користење во био-електрични импланти за третирање на хронични болести.