FDA (Управата за храна и лекови на САД) доделила „напреден статус“ на алгоритам кој би можел да го направи детектирањето на проблемите со срцето многу подостапно.
Алгоритамот користи длабока нервна мрежа развиена од компанијата за дигитални здравствени продукти Eko, и клиниката Мајо. Со само 15 секунди ECG (електрокардиограмски) податоци, тој може да идентификува LVEF (лева срцева слабост), мерка која вообичаено се користи за дијагностицирање на пациенти со пореметена функција на срцето.
Алгоритамот бил за прв пат објавен во студија објавена во јануари 2019-та, а бил трениран врз скоро 45 000 пациенти и тестиран врз 52 870, каде покажал 87,5% точност.
Тој е дизајниран да работи со DUO дигиталниот стетоскоп на Еко – рачен уред кој се поставува на левата страна на градите на пациентот и го снима звукот на срцевите отчукувања како и ECG податоци. Пациентите би можеле овој уред да го користат и самите, во нивните домови, а податоците би можеле да ги испраќаат до нивниот лекар.
„Напредниот статус“ индицира дека FDA го гледаат алгоритамот како потенцијално решение за одредена медицинска потреба поврзана со животнозагрозувачко заболување и помага при забрзување на процесот на рецензија.