Научници развиле систем од ласери со кои може да се гледа во внатрешноста на човечкото тело (како со ултразвук), но од далечина.
Системот може прецизно да забележи што се случува во телото на некоја личност до длабочина од околу 6 сантиметри, а иако тоа не е премногу, сепак е важен прв чекор во елиминирањето на физичкиот контакт од скенирањето со ултразвук кое често може да предизвика варијабилност во читањето на резултатите од страна на докторите.
Системот користи 2 ласери – еден кој генерира звучни бранови кои се одбиваат од внатрешноста на телото и еден кој ги детектира кога истите се рефлектираат назад.
Резултатите не се прецизни како оние генерирани со конвенционален ултразвук, но самиот факт што ласерски систем може да гледа во внатрешноста на човечкото тело од далечина без да ја гори кожата или очите, е огромен чекор напред за неинвазивни медицински процедури.