Калифорниската технолошка стартап компанија Mojo Vision ги претставила своите паметни контакни леќи кои користат подобрена реалност (augmented reality) за да прикажуваат информации внатре во очите на нивните корисници.
Наречени Mojo Lens, Овие леќи користат микро-дисплеи со 14000 пиксели на еден инч за проектирање на податоци поврзани со следење на здравјето и сл.
Во нив има вградено и безжично радио, технологија за препознавање на слики (за која компанијата вели дека е способна да ги разбира активностите и да не го вознемирува корисникот кога тоа нема да е потребно) како и сензори на движење.
Леќите сè уште се во фаза на развивање, а компанијата моментално демонстрира нивен работен прототип и планира рана апликација на продуктот дизајниран да им помогне на луѓето со слаб вид, преку овозможување контраст и подобрување на осветленоста на „сликата“ која очите ја гледаат, како и функционалност за нејзино зумирање.
Mojo Vision се во партнерство со Виста центарот за слепи и оние со оштетен вид, непрофитна организација која нуди рехабилитациски услуги на повеќе од 3000 деца и возрасни годишно, а леќите треба да бидат одобрени од FDA пред да можат да се сметаат за медицински уред кој слободно ќе може да се најде на пазарот.