Во април 2019, тим под водство на Али Ертурк , директорот на институтот за регенеративна медицина и инженерство на ткива при институтот Хелмхолц, креирал 3D принтани транспарентни човечки органи со помош на матични клетки.
Сега, тим исто така воден од Али, објавил дека оваа техника значително ја подобрил, објавувајќи слики од транспарентен човечки мозок, око и бубрег.
Креирањето на транспарентни органи се базира на процесот наречен „оптичко расчистување“. Сите ткива содржат вода, липид, и протеин кој ја прекршува светлината (рефракција), а со додавање на хемикалии кои ја менуваат рефракцијата, истражувачите можат да овозможат на светлината да поминува низ ткивото.
Човечките органи се составени од ткива кои ја блокираат светлината, но оваа нова комбинација на хемикалии може да предизвика нивна транспарентност.
Тимот снимил бројни слики со помош на микроскоп со ласерско скенирање и користел алгоритми за анализирање на стотици милиони клетки во 3D, а техниката била наречена SHANEL.
Али и неговиот тим се надеваат дека нивните мапи на органи добиени со помош на оваа нова технологија би можеле да се користат како шаблони за 3D принтање на функционални човечки органи кои еден ден би можеле да се користат за трансплантации.