Италијански доктори соопштија дека по речиси двомесечни напори 16-месечното бебе се чувствува добро, на кое во март му беше вградено најмалото вештачко срце, кое му помогна да преживее до трансплантацијата на вистинско срце.
- Во итниот случај на 16-месечното бебе, кое има дилатирана миокардиопатија со сериозна инфекција на помошниот вентрикуларен апарат, кој е претходно вграден, е користена титаниумска пумпа која тежи само 11 грама и може да издржи прилив на крв од 1,5 литри во минута, се наведува во соопштението на болницата „Бамбино Гесу“ во Рим, каде што е извршена оваа операција.
Ова минијатурно вештачко срце му овозможи на бебето да преживее 13 дена до првата срцева трансплантација.
- Денеска, повеќе од еден месец по трансплантацијата на вистинско срце, бебето се чувствува добро, се додава во соопштението.