Графичкиот дизајнер Дејвид Беркер и неговиот тим, за целите на документарецот на BBC " Inside the Human Body ", создадоа уникатна анимација која го прикажува формирањето на детското лице во текот на бременоста.
Анимацијата се базира на снимките од ембрионалниот развој, со што се овозможува приказ на формирањето нa лицето на бебето без било какви елементи кои се засновани на претпоставки. Интересен е фактот што покажува дека лицето кај бебето речиси во целост се формира помеѓу вториот и третиот месец.
Анимирањето на настанокот на носот и непцата според Беркер, претставуваат вистински ноќен кошмар. Поточно, тие се формираат со сложен механизам на создавање и менување на слоевите од ткивото, така што дизајнерите, аниматорите и научниците, па и самиот компјутер не биле во можност совршено да го пренесат тој дел.
Погледнете го ова неверојатно видео!