Климатските промени имаат поголемо влијание на нашето здравје отколку што мислевме. Според едно ново истражување од интернационалниот тим на истражувачи, промените може да се потенцијален ризик за јавното здравје поради зголемен ризик од ширење на болести, небезбедна храната и загадувањето во воздухот, покрај другите работи.
- Кога климатските промени се манифестираат како проблеми со здравјето, отколку само како проблеми со околината или економијата, тогаш станува јасно дека се соочуваме со тешка ситуација која ја погодува сржта на човечката природа, стои во извештајот кој е објавен во еден весник.
Некои од здравствените ризици предизвикани од климатските промени се и повеќе од очигледни. Екстремните услови како што се ураганите, снежните виулици и торнадата убиваат и повредуваат луѓе, а се претпоставува дека тие ќе бидат сè почеста појава. Исто така, голем број луѓе ќе бидат изложени на почести топлотни бранови. Загадувањето на воздухот може да предизвика алергии и астма, сушата може да ги намали здравите плодови, а намалувањето на екосистемите може да го зголеми бројот на пестициди кои може лесно да остварат контакт со луѓето.
Покрај потенцијалните последици, истражувачите исто така расправаат за тоа дека климатските промени овозможуваат една структура на т.н. „потивки здравствени системи“. Потребата да се запре глобалното затоплување може да инспирира прочистување на енергијата, а тоа ќе предизвика и намалување на загадениот воздух. Чистата енергија, инвестирањето во медицинските истражувања и промената во градовите за подржување на здравите животни стилови се меѓу главните препораки во овој извештај. Велосипедот нема само да ја намали потрошувачката на бензин, туку ќе го подобри и вашето здравје.
- Може да спасиме многу животи, да го намалиме ширењето на болестите и да обезбедиме сигурна храна само со прочистување на енергијата. Нашите деца и идните генерации сметаат на нас, изјави Ким Новлтон, научник од Советот за заштита на природните извори.