Научниците во Австралија го одбележале морското дно на Земјата во невидени детали. Дигиталната мапа ни покажува како би изгледала нашата планета со помала количина на океани, со 13 бои за обележување на различни геолошки карактеристики, како што е жолтата за песок, црвената за вулкански карпи и розовата за школки и корали.
- Нашата нова мапа ни покажува огромна еколошка и геолошка комплексност на морското дно, за која претходно немавме поим, изјави д-р Диетмар Малер, геофизичар на универзитетот во Сиднеј во Австралија и ко-автор во создавањето на мапата.
Мапата е создадена благодарение на податоци собирани цели 40 години. Последната мапа била објавена во 70-тите години, но нацртана со рака. Научниците овој пат, анализирале околу 15.000 примероци од морското дно собирани половина век од истражувачите низ светот.
- Со цел да ја разбереме промената во океаните, треба подобро да разбереме што е зачувано во геолошкото морско дно. Длабокото морско дно е гробишта составена од остатоци на микроскопски морски суштества, наречени фитопланктоти, кои се развиваат во сончевите површински води. Составот на овие остатоци може да помогне во откривање како океаните одговори за климатските промени во минатото, смета д-р Адриана Дукевиц, предводник на истражувањето за мапата.