Војната во Сирија е причината поради која глобалниот трезор на семиња лоциран на Свалбард, Норвешка повторно е отворен.
Во него се наоѓаат повеќе од 860 илјади семиња собрани од различни места на светот. Трезорот е направен со цел да се оневозможи загубата на семиња та за време на големи регионални и глобални кризи.
Сега надлежните повлекуваат дел од семињата пченица, јачмен и трева со цел да ги заменат оние кои се уништени во војната во Сирија.
-Заштитата на биолошката разновидност во светот е главната причина поради која е направен трезорот на семиња во Свалбард, изјави Брајан Леиноф, портпарол на „Crop Trust“ кои се грижат за подземното складирање на семињата.
Банката на семиња во Сирија, што се наоѓа во северниот град Алепо, повеќе не е во состојба да ја извршува својата задача, па токму затоа земјата бара повлекување на резервите со цел обновување на родот.
Глобалниот трезор на семиња постои од 2008-ма година и може да се користи во било кое време, а не само во случај на нуклеарна војна. Создавачите на идејата веруваат дека истиот може да се користи и нахранување на светската популација која што до 2100 треба да достигне број од 11 милијарди жители.