Често велат дека жените се поемотивни, почувствителни од мажите и дека имаат поголемо сочувство кон другите. Долго време ова верување се темелеше на научни студии преку кои хипоталамусот, структурата во вид на потковица е сместена длабоко во мозокот и одговорна е за емоциите развиени кај жените.
Сепак, во 2009 година една студија од Офталмолошкото друштво објаснила зошто жените имаат пониска стапка на болки и почесто плачат од мажите – од 30 до 64 пати годишно, додека посилниот пол пуштаат солзи од 6 до 17 пати во текот на една година. За да поверуваме во ова тврдење, тим на невролози од медицинскиот факултет „Розалинд Френклин“ во Чикаго, испитуваа дел од мозокот задолжен за чувствителноста, детално проучувајќи ги сите истражувања кои се изработени на таа тема. Нивните резултати покажуваат дека не постои никаква разлика во големината меѓу мозокот на мажот и мозокот на жената.
- Анатомските разлики меѓу мажот и жената често се користат за да се оправдаат поедини предрасуди. На основа на новите анализи, со кои се проучени 76 истражувања со учество од над 6000 луѓе, дојдовме до заклучок дека тие разлики се минимални, па дури и безначајни, смета д-р Лиз Елиот, професорка по неврологија и предводник на истражувањето.
Преку анализи на податоци, тимот на д-р Елиот констатирал дека не постои никаква значајна разлика во хипоталамусот меѓу мажите и жените. Мозокот варира од човек до човек, а не од полот.