Со напредокот на технологијата ниту розите, повеќе нема да бидат само рози. Група на шведски научници создаде своевидно сајбер цвеќе исполнето со електронски кола.
Идејата е да се создаде нов вид на цвеќе кое ќе може да реагира на промените од околината. Електричните кола ќе може да му помогнат во растењето, па дури и во цветањето.
Научниците го извеле својот експеримент така што ги потопиле розите во синтетички полимер наречен PEDOT-S. Цвеќињата го внеле полимерот во својот систем преку нивните стебла како хранлива состојка што се добива од водата. Откако бил внесен во растението PEDOT-S развил спроводни мрежи долги и до 10 см.
Со тоа научниците можеле да ги контролираат електролитите на розата и да создадат функционални кола. Авторите на студијата велат дека во иднина може да се создаваат кола кои ќе овозможат промени кај растенијата кои денес се возможни само со генетички инженеринг.
-Сега навистина можеме да зборуваме за мали електрани во растенијата. Можеме да постави сензори во нив, да ја користиме енергијата од хлорофилот, да продуцираме зелени антени или нови материјали. Сè се случува природно и ги користиме напредните и уникатни системи на самите растенија, изјавуваат научниците.