Трансформација на клетки од кожа во клетки од срце и мозок

Светот ги гледа матичните клетки како едни од дефинирачките компоненти на модерната ера. Без разлика дали повеќето се согласуваат со етичките импликации на земање на матични клетки од човечки ембриони, никој не може да го оспори нивниот потенцијал и многуте придобивки кои спасуваат животи, а кои можат да настанат од ваков тип на испитувања.

Сега може да ги имаме истите придобивки и без големата етичка дилема, бидејќи две засебни студии покажале дека клетки од кожата можат да бидат претворени во клетки од срце или мозок (со нивно „убедување“ со помош на лекови), притоа избегнувајќи ги сигурносните (за ембрионот) и етички ризици присутни во останатите форми на земање на матични клетки.

Во првата студија, истражувачи од Gladstone Institutes за „убедување“ на клетките од кожата да се претворат во клетки од срце користеле коктел од 9 хемикалии. Преку овој процес, кожните клетки станале слични на мултипотентните матични клетки (кои можат да се претворат во разни видови на клетки од одреден орган). Втор коктел од хемикалии и фактори за растење потоа ја забрзале транзицијата на овие клетки во клетки на срцев мускул.

Овој метод, при тестирање, покажал дека над 97% од клетките почнале да отчукуваат, што значи дека се претвориле во потполно оформени и здрави срцеви клетки. Тие исто така реагирале на хормони и на молекуларно ниво биле скоро идентични со „оригиналните“ клетки од кои е создаден срцевиот мускул. Трансплантирани во живо срце на глушец, тие биле способни да се адаптираат и развијат здраво во органот.

Во втората студија биле искористени слични методи, но наместо во срце, кожните клетки биле претворени во мозочно ткиво.