IKEA претстави хидропоничен (метода на одгледување на растенија во вода која е богата со хранливи состојки и без употреба на почва) градинарски систем со кој луѓето ќе можат да растат свежи растенија по дома, без потреба од почва или сончева светлина, како и сличен систем наменет за рестораните самите да си ги растат потребните намирници, без потреба да ги купуваат од друго место.
KRYDDA/VÄXER хидропоничната градина овозможува растење на семињата без почва со помош на апсорбентна пена која ја одржува влажноста, без потреба од прекумерно наводнување поради вградениот сензор. Расцутените билки потоа се преместуваат во специјални садови поставени под соларна лампа, чија светлина ја користат за растење. Системот е дизајниран да е лесен за користење дури и за исклучително неискусните градинари.
За развивање на вториот систем наречен The Farm, IKEA се здружила со компанијата Space10 и креирала аквапоничен градинарски систем (во кој ѓубривото добиено од рибите и останати водени животни кои се одгледуваат во истиот се користи за прихранување на водата со која се наводнуваат земјоделските производи) наменет за ресторани.
Прототипот на овој систем се тестира во подрумот на канцеларијата на Space10 во Копенхаген, а се планира и негово развивање и масовна продукција за да може да се користи во комерцијални цели.
IKEA, инаку, преку рестораните во своите продавници заработува над билион евра годишно само од храната што ја продава, па така е во сосема добра позиција да влијае на промените на ова поле.
Со прототипот на оваа фарма било возможно да се креира комплетен бургер „од нула“, иако се работи за малку повеќе специфичен – со плескавица направена од еден вид на црви, цвекло и глутен, на која што и биле додадени листови од марула и дополнителни зачини.