Постојат 4 фундаментални сили во физиката кои го „држат” нашиот Универзум – гравитација, електромагнетизам и слабите и јаки нуклеарни сили.
Но, минатиот април, унгарски физичари забележале докази за можна 5-та сила која потенцијално би можела да ги објасни мистериите на Универзумот, како што е темната материја.
Тие испукале високо-енергетски зраци од протони врз литиум-7 и како повратна информација добиле енергетски потпис на нова, супер-лесна субатомска честичка. Оваа честичка била тип на бозон 30 пати потежок отколку електронот и не била предвидена со стандардниот модел на физиката на честички. Според тој модел, секоја од фундаменталните сили има соодветна бозон честичка, а новооткриената, според карактеристиките, не припаѓала на ниедна од нив.
Хипотетичкиот нов бозон, наречен „протофобичен X бозон“ е многу тешко да се детектира, бидејќи се поврзува само со електрони и неутрони во исклучително ограничен опсег.
За жал, за ништо од ова не постојат дополнителни потврди со експерименти, бидејќи таквите експерименти се очекуваат да се спремни дури за една година.
Доколку навистина се потврди постоењето на 5-та фундаментална сила, тоа ќе значи дека доколку истата се спои со електромагнените и слабите и јаки нуклеарни сили, може да се манифестира во еден вид на „супер фундаментална сила“ која би била способна за интеракција со темниот сектор кој има сопствена материја и сили, што би помогнало за подобро разбирање на темната материја.