Елементите од периодниот систем кои порано беа познати како 113,115,117 и 118 сега имаат и официјални имиња: Нихониум/Nihonium (Nh), Московиум/Moscovium (Mc), Тенесин/Tennessine (Ts), и Оганесон/Oganesson (Og). Со оваа потврда, тие се придружуваат кон новиот официјален периоден систем на елементи.
Меѓународната унија за чиста и применета хемија (IUPAC) објави дека по 5 месечен период на јавен увид, имињата предложени од пронаоѓачите на овие елементи конечно се одобрени.
Според традицијата, новите додатоци на седмиот ред од табелата со елементите добиле имиња кои им оддале почит или на регионите каде биле откриени, или на некоја личност, а нивните суфикси ја рефлектираат нивната хемиска конзистентност, т.е постојаност. Нихониумот, Московиумот и Тенесинот се именувани според местата каде биле откриени: Нихон (јапонски збор кој значи Јапонија), Москва, и Тенеси (држава во САД). Оганесон е именуван според Јури Оганесиан, руски нуклеарен научник.
Најинтересен факт околу сите овие елементи е тоа дека се исклучително нестабилни. Сите четири се радиоактивни, со многу кратки полуживоти кои траат еден дел од секунда. Доколку науката и технологијата не беше напредна како што е, воопшто немало ни да имаме можност ниту да ги набљудуваме ниту да ги студираме, бидејќи не постојат надвор од лабораториски услови