Ново истражување сугерира дека фамилијата вируси кои го вклучуваат и ХИВ, ја преживеале еволутивната транзиција од океаните до копното, што значи дека се неколку милиони години постари отколку што досега се сметало.
Студијата од научниците од универзитетот Оксфорд покажала дека ретровирусите се стари скоро половина милијарда години – а досега се сметало дека нивната старост е само 100 милиони години.
Со цел да ги датираат ретровирусите, истражувачите користеле модел кој им овозможувал реконструкција на нивното далечно минато, со кој што успеале да ја споредуваат денешната активност на овие вируси со разните адаптации кои биле развиени во борбата против нив.
Датумот на нивното потекло се совпаѓал со почетоците на адаптивниот имунитет, со што се заклучило дека тие играле важна улога во развивањето на оваа клучна алатка во антивирусната одбрана кај ‘рбетниците.
Наредниот чекор на научниците од Оксфорд ќе биде да се одреди точното потекло на вирусите како ХИВ, бидејќи што подобро се разбере природата на интеракцијата помеѓу вирусите и имунитетот на нивниот домаќин, толку повеќе ќе бидеме во состојба да интервенираме со нови третмани и видови на интервенции.