Група истражувачи од Универзитетот од Калифорнија, Сан Франциско (UCSF) откриле дека белите дробови кај глувците имаат скриена функција – тие помагаат за создавање на крвта.
Конкретно, нивните бели дробови создаваат половина од платените кои се вклучени во циркулацијата, а тоа се компоненти кои го спречуваат искрварувањето кога имаме рана.
Но, тоа не е сè – истражувачите успеале да идентификуваат и група од матични клетки од типот на оние кои можат да се претворат во било кој вид на клетка со правилно биолошко програмирање, кои можат да се трансформираат во крвни клетки.
Досега се сметаше дека коскената срж е примарен извор на матични клетки, а ова ново откритие сугерира дека доколку таа е оштетена или не може да произведува доволно такви клетки, нејзината улога можат да ја превземаат белите дробови.
Сето ова сега засега е забележано исклучиво кај глувците, но не и кај луѓето. Но, имајќи го в предвид фактот дека нивните биолошки функции се многу блиски на оние на луѓето, постои голема шанса човечките бели дробови да ги поседуваат истите скриени функции.
Инаку, тимот користел специјална техника која ги правела плателите флуоресцентни, при што откриле дека доаѓаат токму од белите дробови. Мегакариоцитите – клетките кои произведуваат платели – биле исто така забележани како се движат помеѓу белите дробови и коскената срж, во зависност каде биле најпотребни.