На градилиште во југоисточниот дел на Кина бил пронајден фосил од јајце од диносаурус за кое се смета дека е старо околу 70 милиони години.
Остатоци од 5 лушпи биле пронајдени закопани во песочник во градот Фошан во провинцијата Гуангдонг, на длабочина од 8 метри, каде што научниците сметаат дека лежеле скриени и сочувани од доцниот Креда период.
Големинатаa на фосилите изнесува во просек 13-14 сантиметри, а без дополнителна верификација од научниот свет, тимот не може со сигурност да ја каже староста на јајцата или врстата на која диносауруси на која што припаѓале. Тие моментално се студираат во локален музеј.
Инаку, ова не е првпат јајца од диносаурус да се пронајдени во овој реон на Кина. Тие тука релативно редовно се пронаоѓаат уште од 1980-тите, а во комшискиот град Хејуан се пронајдени најголем број на јајца од диносаурус во светот – дури 43 фосилизирани остатоци во 2015-та.