Стартап компанијата Hampton Creek која креира алтернативи со растително потекло на животински продукти, најавила дека лабораториски растеното месо кое што го развива ќе биде на продажба во 2018-та.
Доколку овој термин се реализира, тоа значи дека на пазарот ќе се појават 3 години порано отколку нивниот најблизок конкурент Memphis Meats, чии продукти се најавени за во 2021-ва.
Една од најголемите пречки со кои Hampton Creek ќе мора да се справат во остварувањето на нивната цел е цената на ова „чисто“ место. Иако цената на лабораториски развиеното месо е падната за 99% изминативе 3 години (кога првиот таков бургер чинеше $230 000), таа сепак е многу повисока отколку цената на месото кое доаѓа од фармите. Сега засега компанијата нема објавено ниедна информација во врска со цената на нивните продукти.
Она што нивниот продукт го двои од останатите слични е менувањето на реткиот фетален говедски серум кој што се користи за другите лабораториски развиени меса со смеса од растително потекло.
Мислењата се поделени околу тоа дали 2018-та како целна година е остварлива – некои се скептични поради случајот кога мајонезот Just Mayo произведен од истата компанија бил повлечен од продажба поради наводи за погрешно етикетирање на состојките, додека некои пак се оптимистични, како извршниот директор на Good Food институтот.