При аутопсија на 375 години стара мумија од Јужна Кореја било откриено дека во црниот дроб се криела паразитска инфекција наречена Paragonimus westermani, најверојатно предизвикана од јадење на живи школки.
Докторите од 17-тиот век од тој дел на Азија препорачувале пиење на суров сок од школки или ракчиња за третирање на мали сипаници, па шансите оваа инфекција да била самонанесена се огромни.
Истражувачите велат дека мумијата некогаш била маж кој се викал Џин Ли и умрел во 1642-ра на 63 години.
Мумијата била откопана во 2014-та, а истражувачите тогаш забележале чудна грутка на црниот дроб при снимањето со компјутерска томографија. Откако била отстранета, во неа биле пронајдени златно-кафени јајца со должина од 85 макрометри кои биле идентификувани како паразитскиот црв Paragonimus westermani . Ова го прави Џин Ли најстариот познат случај на хепатитска парагонимоза кој е откриен.
Инфекцијата се појавува кога се јадат незготвени ракчиња и кога паразитите од нив ќе се населат во црниот дроб или белите дробови, што предизвикува дијареа, повраќање и искашлување крв.
Ефектите се слични на нешто како што е денес пневмонијата или стомачниот вирус, а инфекцијата може да трае со години. Иако Парагонимиазата не е вообичаена во САД, сè уште се среќава во југоисточна Азија и Централна и Јужна Америка, а од неа може да заболат скоро 300 милиони луѓе ширум светот.
Од 18 мумии кои досега биле студирани од овој тим, сите во себе имале најмалку еден вид на паразит.