Непобитен е фактот дека луѓето ширум светот мораа да се справуваат со загрижувачки број на моќни урагани оваа година. Само во САД, ураганите Харви, Ирма и Марија направија непоправливи штети врз делови од Тексас, Флорида и Порто Рико.
Астрофизичарот Нил ДеГрас Тајсон сака научниците да се соочат директно со ураганите и да развијат начин да ја претворат нивната циклонска енергија во електрична.
Во интервју за The Today Show, тој изјавил дека е фрустрирачки да се гледа сликата на илјадници автомобили како напуштаат градови кои ќе бидат погодени од ураган, и дека би требало да се развие технологија која циклонската енергија од ураганите би се искористила за напојување на градовите кои инаку би биле уништени од неа.
Идејата е амбициозна, и дефинитивно би помогнала во напорите човештвото да се префрли на користење на чистата енергија. Меѓутоа, ураганите би биле многу потешки за искористување од, на пример, сончевата или кинетичката енергија, како и онаа од ветровите, бидејќи тие постојано се во движење, не се фреквентни како ветрот, а и се екстремно моќни и неконтролирачки.
Тропските бури и урагани се способни да генерираат околу 600 теравати електрицитет – што е значително повеќе од 1064 гигавати кои биле генерирани во 2015-та.
За да вистински се искористи нивната моќ, прво ќе мора да ги забавиме. За жал денешната наука сè уште нема решените за нешто такво.