Научниците од универзитетот во Лимерик, Ирска, откриле начин како да го искористат електрицитетот од секретите од очите и некои други делови од телото.
Тоа е благодарение на протеинот лисозим кој генерира електрицитет кога е под притисок, а доколку ефективно се искорити тоа може да стане нов извор на енергија за разни имплантирани уреди.
Лисозимот е присутен во солзите, плунката, млекото, слузта и белките од јајцето и е кристализирана форма на ензимот кој помага при распаѓањето на клеточните ѕидови на бактериите.
Кога филмот од кристали лисозим бил изложен на притисок помеѓу две стаклени плочки, тимот истражувачи измерил дека продуцирал форма на енергија наречена пизоелектрицитет – каде што електричниот напон се акумулира како одговор на механички стрес.
Бидејќи се работи за биолошки материјал, тој е нетоксичен и може да се користи за разни иновативни апликации, како што се електроактивни анти-микробски премази за медицински импланти или пак импланти кои би ослободувале лекови во телото.
Инаку, овој протеин порано бил истражуван од Александар Флеминг како кандидат за антибиотик пред откривањето на пеницилинот и бил еден од првите протеини мапирани во три димензии во 1965-та.