Јајцата имаат многу корисни својства, на кои наскоро би можела да се додаде и способноста да носат лекови кои би третирале канцери, хепатит и други болести.
Јапонски истражувачи од националниот институт за напредна индустриска наука и технологија (AIST) создале генетски модификувани кокошки кои би неселе јајца кои содржат специјален фармацевтски агент. Тоа го направиле со генетски модификувана прекурсор клетка од спермата за да создадат вид на протеин кој е поврзан со имунолошкиот систем, наречен интерферон бета.
Овој протеин е ефективен во третирање на малиген рак на кожата, како и хепатитот. Модификуваните клетки биле искористени за да се оплодат јајца кои создавале петли, а по неколку рунди нивно вкрстено размножување се добиле кокошки кои ги наследиле гените со интерферон бета.
Целта на овој проект била да се редуцира цената на создавањето лекови, а истражувачите се надеваат дека позитивниот резултат од него ќе води до развивање на поефтини лекови.
Понатаму, истражувачите планираат да работат на стабилизирање на количината интерферон бета во јајцата, за да може да произведат и до 100 милиграми од едно јајце